Frensis Ngannu MMAga qaytishni rejalashtirmayapti

Bu haqda kamerunlik jangchining murabbiyi Erik Niksik MMA Junkie nashriga bergan intervyusida malum qildi.

"Biz muntazam ravishda muloqotdamiz, ko'proq do'stlardek. Deontey Uaylder bilan jang haqida mish-mishlar tarqalganini bilaman. Bir-ikki kun oldin gaplashgandik, lekin gap asosan hayot va oila haqida edi. Keyingi haftada men Bred Tavares bilan Parijga boraman va u erda Frensis bilan bir necha kunni o'tkazishim, o'tkazib yuborganlarimning o'rnini to'ldirishim, uning mashg'ulotlari va kelajakdagi rejalarini muhokama qilishim mumkin. Ko'rinib turibdiki, u haqiqatan ham Uaylder bilan jang qilmoqchi, MMAga qaytish haqida esa, to'g'risini aytsam, hozircha hech narsa eshitmadim.

Albatta, uning aralash yakkakurashlarga qaytishini istardim. Bu mening mutaxassisligim. MMAda hali ko'p narsa qilishimiz mumkinligini his qilyapman. Menga qisman og'ir va alamli, chunki u Vegasda yashab, UFC’da jang qilganida, biz oldinga yaxshigina siljiganimizni his qildim va to'satdan hamma narsa keskin o'zgarib ketdi. U etiborini boksga qaratdi, menga esa MMA murabbiyi sifatida bizda bo'lgan o'sish va rivojlanish etishmayapti", - dedi amerikalik mutaxassis.

Malumot uchun, yaqinda Frensis Ngannu va PFL ligasi o'rtasida kelishmoqchilik yuzaga kelgandi. Bunga kamerunlikning tashkilotning debyut Afrika turnirida ishtirok etmagani sabab bo'lgandi.