“Fujairah Open” turnirining so'nggi kuni bittadan kumush va bronza

Mazkur musobaqada o'smir va kadetlardan iborat 547 nafar taekvondo ustasi bahs olib bordi. Turnirda O'zbekiston terma jamoasi ham katta tarkib bilan ishtirok etdi.

Bosh murabbiy Akmal Ergashev va murabbiy Jasur Boyqo'ziev qo'li ostida kattalar terma jamoasi tarkibida Valentin Xegay (-54 kg), Temur O'rolov (-58 kg), Nikita Rafalovich (-74 kg), Maksim Rafalovich (-80 kg) kabi etakchi dayan ustalarimiz medallar uchun dayanga chiqishdi.

O'zbekiston taekvondo WTF associaciyasi rahbariyati Abduvohid Rahimov boshchiligidagi o'smirlar hamda Sobir Nazaralievning kadetlar jamoasiga ham xalqaro musobaqada katta ishonch bildirdi.

Musobaqaning birinchi kuni kadetlar tarkibida Daniil Kim, Amirbek To'raev, Azizbek Rahmonberdiev oltin, Javohir Xolmurodov kumush medalni qo'lga kiritgan bo'lsa, kattalar jamoasi sharafini himoya qilgan Temurbek O'rolov delegaciyamizga bronza medalini keltirdi.

Ikkinchi kuni o'smirlar hisobiga Islom Yo'ldoshev, Dinora Muxtorova, Feruza Sodiqova bronza medalini yozib qo'ygan bo'lsa, kattalar tarkibida harakat qilgan Nikita Rafalovich kumush, Maftuna Ergasheva, Svetlana Osipova, Valentin Xegay bronza medali bilan kifoyalanishdi.

Kecha xalqaro turnirning so'nggi kuni sportchilarimiz yana ikkita medalga sazovor bo'lishdi. SHuhrat Salaev kumush, -80 kg vaznda dayanga chiqqan Maksim Rafalovich esa bronza medalini qo'lga kiritdi.