Gael Monfis ATP-Tur antirekordini takrorladi

Franciyalik tennischi Mayami "Masters" turnirining ilk davrasidan o'rin olgan Ugo Umberga qarshi kechgan uchrashuvni jarohati sabab yakuniga etkaza olmadi. Francuzlar o'rtasidagi bahs birinchi setning oltinchi geymidan so'ng to'xtatildi. Bu paytga kelib hisob 3/3 ko'rinishida bo'lib turgandi.

36 yoshli Monfis o'tgan yilning avgustidan buyon oyog'idagi jarohati sabab turnirlarda ishtirok eta olmayotgandi. U Mayamiga qadar Indian-Uells "Masters" hamda Finiks "CHellenjer" turnirlarining ilk davrasidayoq ishtirokini to'xtatgan edi.

SHu tariqa, Monfis Tommi Xaas va Yanko Tipsarevichga tegishli antirekordni takrorladi. Bu uch tennischi faoliyatlari davomida 24 ta uchrashuvni turli sabablar bilan yakuniga etkaza olmagan. Markos Bagdatis va Pol-Anri Matyoda 23, Nikolay Davidenko esa bu ko'rsatkich 22 ta uchrashuvni tashkil qiladi.