Gimnastika barcha uchun. Navoiyda katta musobaqa o'tkazildi

Musobaqada Navoiy viloyatining barcha tumanlaridan 300 nafardan ziyod gimnastikachilar ishtirok etishdi. Bellashuvlar turli yosh toifalarida tashkil etildi.

12-16 yoshli sportchilar o'rtasida Navoiy shahri vakillari birinchi o'rinni band etishdi. Ikkinchi va uchinchi o'rinlar Zarafshon shahri va Xatirchi tumani gimnastikachilariga nasib etdi. 17-18 yosh toifasida kechgan bahslarda ham navoiyliklar tengsiz bo'lishdi. Ikkinchi pog'onadan Zarafshon shahri va Nurota tumani sportchilari joy olishdi. Uchinchi o'rinni Nurota tumani jamoasi egalladi. 

20-25 yoshli gimnastikachilar bahsida Xatirchi tumani jamoasi birinchi bo'ldi. Ikkinchi va uchinchi o'rinlar mos ravishda Nurota va Karmana tumani jamoalariga nasib qildi.

Jamoaviy bahslarda esa 90 ball jamg'argan Xatirchi jamoasi birinchi o'rinni egalladi. Ikkinchi o'rindan Zarafshon shahri (60,8 ball) band etdi. Uchinchi o'rindan esa Nurota tumani (59,5 ball) joy oldi.