G'iyosov bilan ehtimoliy to'qnashuvi aytilgan Menni Pakyao navbatdagi jangi sanasini elon qildi

Filippinlik boks afsonasi 24 yanvar kuni AQSHning Las-Vegas shahrida o'tkaziladigan prof boks oqshomida ringga qaytishini oshkor etdi va tez orada raqibining ism-sharifini elon qilishga vada berdi.

"Barcha muxlislarimga salom. 24 yanvar kuni Las-Vegasda ringga qaytishimni mamnuniyat bilan malum qilaman. Bu ajoyib va o'ziga xos shou bo'ladi. Yaqin kunlarda raqibim haqida yangilik bo'ladi", - dedi dekabrda 47 yoshga to'ladigan Pakyao ijtimoiy tarmoqdagi videosida.

Eslatib o'tamiz, Pekmen 4 yillik tanaffusdan so'ng shu yilning yozida professional ringga qaytgandi. U 19 iyul kuni Las-Vegasda bo'lib o'tgan yarim o'rta vazn toifasida WBC chempioni Mario Barriosga qarshi jangda hakamlar qaroriga ko'ra durang natija qayd etgan edi. Hakamlarning bu qarori Pakyaoga ham, tomoshabinlarga ham yoqmagandi.

Menni avvaliga Barrios bilan ikkinchi jangni xohlayotganini aytgandi, ammo keyinroq boshqa raqib izlashga kirishdi. Ayni paytda u yanvar oyida yarim o'rta vazn toifasida WBA chempioni Rolando Romeroga qarshi jang o'tkazish bo'yicha muzokara olib bormoqda, deb yozadi ESPN.

Darvoqe, bir necha kun oldin hamyurtimiz SHahram G'iyosov bo'lajak jangi haqida gapirib, yanvar oyida aynan Payao - Romero jangi g'olibiga qarshi ringga chiqishini malum qilgandi.