Grand Prix Upper Austria 2025. Bugun ikki dzyudochimizga muxlislik qilamiz

Dunyoning 52 davlatidan jami 416 nafar (247 erkak, 169 ayol) sportchi qatnashadigan ushbu musobaqada terma jamoamizning 7 dzyudochisi yurtimiz sharafini himoya qiladi. Bugungi ilk kun dasturidan o'rin olgan engil vazn toifasi vakillari ishtirokidagi bahslarda ikki dzyudochimiz tatamiga chiqadi. 

Takidlash joiz, shu paytgacha -60 kg vazn toifasida faoliyat olib borgan Dilshodbek Baratov o'zini yangi vaznda sinab ko'radi. Bugun u ilk bosqichda belgiyalik Deni Altemirovga qarshi bahs olib boradi. Yosh dzyudochi qizimiz Laziza Haydarova esa ispaniyalik Mariya Gomes bilan to'qnash keladi. 

Dzyudochilarimiz uchun qura natijalari:

-48 kg: Laziza Haydarova - Mariya Gomes (Ispaniya)

-66 kg: Dilshodbek Baratov - Deni Altemirov (Belgiya) 

Grand Prix Upper Austria 2025 turnirining birinchi kungi saralash bellashuvlari bizning vaqt bilan soat 14:00da boshlanadi.