30 may 08:56
Yangiliklar
![](/upload/storage/39575_220.jpg)
“Gubernator kubogi” finaliga 7 nafar bokschimiz yo'l oldi
Kecha musobaqada yarim final janglari o'tkazilib, finalga yo'l olgan bokschilar nomi malum bo'ldi. Yarim finalda ringga chiqqan 10 nafar charm qo'lqop ustamizdan 7 nafari g'alabaga erishib, final chiptasini qo'lga kiritishdi.
Hamyurtlarimizdan Rio Olimpiadasi chempionlari Hasanboy Do'smatov rossiyalik Umed Bobojenovni, SHahobiddin Zoirov qirg'izistonlik Sirojiddin Abdullaevni, Miraziz Mirzahalilov rossiyalik Baxtovar Nazirovni, SHunqor Abdurasulov qozog'istonlik Adlet Kurmetovni, Isroil Madrimov belaruslik Vitaliy Bondarenkoni, Bektemir Meliqo'ziev rossiyalik Andrey Kosenkovni, eng og'ir vazndagi Bahodir Jalolov esa yana bir mezbon bokschisi Ilya Kvasnikovni mag'lubiyatga uchratdi.
Jasurbek Latipov qozog'istonlik Azat Maxmetovga, Iqboljon Xoldorov rossiyalik Pavel Fyodorovga, Sanjar Tursunov esa yana bir rus bokschisi Muslim Gadjimagomedovga imkoniyatni boy berib, xalqaro turnirning bronza medali bilan taqdirlanishdi.
Final janglari ertaga o'tkaziladi:
-49 kg: Hasanboy Do'smatov - Bator Sagaluev (Rossiya)
-56 kg: SHahobiddin Zoirov - Miraziz Mirzahalilov
-60 kg: SHunqor Abdurasulov - Albert Batyrgaziev (Rossiya)
-75 kg: Isroil Madrimov - Gleb Bakshi (Rossiya)
-81 kg: Bektemir Meliqo'ziev - Georgiy Kushitashvili (Rossiya)
+91kg: Bahodir Jalolov - Vladislav Muravin (Rossiya)
Fikrlar