01 iyu 07:37
Yangiliklar
![](/upload/storage/39679_220.jpg)
Gubernator kubogi. To'rtta oltin qo'lga kiritildi, Hasanboyga nohaqlik qilishdi
Xalqaro turnirning hal qiluvchi final janglarida 7 nafar charm qo'lqop ustamiz ringga ko'tarilishdi. Ulardan ikki nafari - Rio Olimpiadasi chempioni SHahobiddin Zoirov hamda Miraziz Mirzahalilov -56 kg vaznda o'zaro chempion nomini aniqlashdi. Ushbu jang biroz kutilmaganda Mirazizning 5:0 hisobidagi yaqqol g'alabasi bilan tugadi.
49 kg vazn toifasida ringga ko'tarilgan hamyurtimiz Rio Olimpiadasi chempioni Hasanboy Do'smatovga hakamlar nohaqlik qilishdi. Agar Hasanboy g'alaba qozonganida umumjamoa hisobida 5ta oltin medal bilan birinchi o'rinni qo'lga kiritishimiz aniq bo'lardi. SHu bois ham hakamlar 3:2 hisobidagi g'alabani rossiyalik Bator Sagaluevga tortiq etishdi.
CHarm qo'lqop ustalarimizdan Isroil Madrimov, Bektemir Meliqo'ziev va Bahodir Jalolov finalda raqiblarini katta ustunlik bilan mag'lub etib, xalqaro turnir chempioniga aylanishdi. Jalolov ikkinchi raunddayoq raqibini texnik nokautga uchratdi. Ikkita nokdaundan so'ng referi jangni to'xtatdi. -60 kg vazndagi bokschimiz SHunqor Abdurasulov esa rossiyalik Albert Batirgazievga 1:4 hisobida yutqazib qo'ydi.
Yarim finalda mag'lubiyatga uchragan Jasurbek Latipov, Iqboljon Xoldorov va Sanjar Tursunovlar esa xalqaro turnirning bronza medali bilan taqdirlanishgandi.
Umumjamoa hisobida Rossiya terma jamoasi 4ta oltin, 4ta kumush, 3ta bronza medali bilan birinchi o'rinni egalladi. O'zbekiston terma jamoasi esa 4ta oltin, 3ta kumush, 3ta bronza medali bilan ikkinchi o'rinni band etdi. Mezbonlar bitta kumush ko'pligi evaziga bizdan o'zib ketishdi, xolos.
Final natijalari:
-49 kg: Hasanboy Do'smatov (O'zbekiston) - Bator Sagaluev (Rossiya) 2:3
-52 kg: Azat Maxmetov (Qozog'iston) - Azat Usenaliev (Qirg'iziston) TKO3
-56 kg: SHahobiddin Zoirov (O'zbekiston) - Miraziz Mirzahalilov (O'zbekiston) 0:5
-60 kg: SHunqor Abdurasulov (O'zbekiston) - Albert Batirgaziev (Rossiya) 1:4
-64 kg: Oganes Bachkov (Armaniston) - Pavel Fyodorov (Rossiya) 4:1
-69 kg: Vitaliy Dunaycev (Rossiya) - Tamerlan Xangeshiev (Rossiya) 5:0
-75 kg: Isroil Madrimov (O'zbekiston) - Gleb Bakshi (Rossiya) 5:0
-81 kg: Bektemir Meliqo'ziev (O'zbekiston) - Georgiy Kushitashvili (Rossiya) 3:2
-91 kg: Muslim Gadjimagomedov (Rossiya) - Narek Manasyan (Armaniston) 5:0
+91kg: Bahodir Jalolov (O'zbekiston) - Vladislav Muravin (Rossiya) ikkinchi raundda nokaut
Fikrlar
Ilgari bu bokschiga bitta zarba berishga ham imkon qoldirmasdan yutgan WSB turnida Uzbek Tiger vs Rossiya o'yinida. Bu gal Hasanboy sekin o'yin ko'rsatdi, ko'proq himoyada turib bir ikki aniq zarbalar bilan ishladi, hamma zarbasi chiroyli tekkan. Rossiyalik bokschi Hasanboyga nisbatan faol lekin birorta aniq zarba yo'q edi.
Ilgari bu bokschiga bitta zarba berishga ham imkon qoldirmasdan yutgan WSB turnida Uzbek Tiger vs Rossiya o'yinida. Bu gal Hasanboy sekin o'yin ko'rsatdi, ko'proq himoyada turib bir ikki aniq zarbalar bilan ishladi, hamma zarbasi chiroyli tekkan. Rossiyalik bokschi Hasanboyga nisbatan faol lekin birorta aniq zarba yo'q edi.