Guskov jang qilishi kerak bo'lgan UFC turniri ishtirokchilari taroziga chiqdi

Turnir ishtirokchilari rasmiy tarozidan o'tish hamda face to face marosimlarida hozir bo'lishdi. Oqshomning asosiy jangi yarim o'rta vazn toifasida tashkil etiladi va unda serbiyalik Urosh Medich amerikalik Daniel Rodrigesga qarshi oktagonga chiqadi. Har ikki aralash yakkakurash ustasi ham tarozida bir xilda tosh bosdi - 77.56 kg. 

UFC Fight Night 283 turnirining co-main event, yani ahamiyati jihatidan ikkinchi muhim jangi esa yarim og'ir vazn toifasida o'tkaziladi. Polshalik sobiq chempion Yan Blaxovich Yangi Zelandiya vakili Navaxo Stirling bilan hisob-kitob qiladi. Ikkala jangchi ham belgilangan vazn meyorini bajargan holda, bir xilda vazn qayd etdi - 92.99 kg. 

Aslida ushbu jangda Bogdan Guskov Yan Blaxovichga qarshi revansh jangida oktagonga chiqishi kerak edi. Ammo hamyurtimiz UFC so'rovi bilan raqibsiz qolgan Magomed Ankalaev bilan jang qilishga rozi bo'lgandi.  

UFC Fight Night 283 tarozi natijalari:

Asosiy kard janglari

Urosh Medich (77.56 kg) – Daniel Rodriges (77.56 kg)

Yan Blaxovich (92.99 kg) – Navaxo Stirling (92.99 kg)

Aleksandr Rakich (107.73 kg) – Marchin Tibura (115.21 kg)

Dushko Todorovich (83.91 kg) – Robert Valentin (84.14 kg)

Vlastislav Cepo (84.37 kg) – Gilbert Urbina (84.14 kg)

Milosh Yanichich (70.76 kg) – Noa Gunon (70.31 kg)

Prelim kard janglari

Lyudovit Kayn (70.53 kg) – Tofik Musaev (70.53 kg)

Oban Elliott (77.11 kg) – Maykl Oliveyra (77.56 kg)

Mark Vologdin (61.46 kg) – Borislav Nikolich (61.69 kg)

Bogdan Grad (66.00 kg) – Dennis Buzukya (66.22 kg)

Mateush Rebecki (70.53 kg) – Kayl Prepolek (70.31 kg)

Nina Miloshevich (61.01 kg) – Xeyli Kouen (61.69 kg)

Yovan Leka (119.07 kg) – Aleksandr Poppek (97.52 kg)

Marina Spasich (52.39 kg) – Stefani Luchiano (52.16 kg)