Hasan Nazarov boshchiligida Osiyo chempionatida qatnashadigan tarkibimiz malum

O'z tarixida 19-marotaba o'tkaziladigan ushbu qita birinchiligida Hasan va Mutal Nazarov boshchiligidagi yurtimiz karatechilari ham ishtirok etadi. Kuni kecha Namangan viloyati Kosonsoy shahrida Osiyo chempionatiga tayyorgarlik doirasida o'quv-mashg'ulot seminari hamda turli rangdagi belbog'lar uchun imtihon tashkil etildi. SHuningdek, "Nur Has" markazida o'tgan ushbu tadbirlar doirasida Osiyo chempionatiga yo'l oladigan terma jamoa tarkibi ham aniqlab olindi. 

Seminarni 5-DAN qora belbog' sohibi shihan Mutal Nazarov o'tkazdi. Unga nazariy va amaliy mashg'ulotlarda Kosonsoy "Nur Has" shinkiokushinkay karate markazi bosh murabbiyi 1-DAN qora belbog' sohibi SHamsiddin Eshonov yordam berdi. Turli rangdagi belbog'lar uchun imtihondan muvaffaqiyatli o'tgan sportchilar dekabr oyida o'tkaziladigan O'zbekiston ochiq chempionatida qatnashishadi. 

Osiyo chempionatining kattalar o'rtasidagi -85 kg vazn toifasi bahslarida Ichki ishlar tergovchisi, mayor Ulug'bek Hamdamov hamda mutlaq vaznda Otabek Abdurahimov yurtimiz sharafini himoya qiladi. Yoshlardan esa Mahliyo Saidahmedova (-50 kg), SHohjahon Yo'ldoshboev (-55 kg), Bilolbek Abdujabborov (-45 kg) qita chempionatida qatnashish uchun lecenziya qo'lga kiritishdi. Ahliddin Zarifjonov (-40 kg) esa zaxira sportchisi sifatida tarkibga kiritildi.