10 dek 13:10
Yangiliklar

Boks/MMA

Hasanboy Do'smatov IBA kamari uchun jang qiladi. Sana, raqib va manzil malum!

Professional boksda mag'lubiyatsiz odimlayotgan charm qo'lqop ustamiz Hasanboy Do'smatovning navbatdagi jangi sanasi, manzili va raqibi malum bo'ldi.

Unga ko'ra, Do'smatov 2024 yilning 13 yanvar kuni Xorvatiya poytaxti Zagreb shahrida tashkil etiladigan IBA chempionlar oqshomi turnirida ringga ko'tariladi. Hamyurtimizning raqibi ispaniyalik Samuel Karmona bo'ladi.

Ikki bokschi kecha Dubaydagi IBA CHempionlar oqshomida yuzma-yuz kelishdi. IBA kamari uchun kechadigan jangning face to face marosimini ikki vaznda sobiq UFC chempioni Konor Makgregor o'tkazib berdi.

Malumot uchun, Karmona Hasanboy chempion bo'lgan Rio-2016 Olimpiadasining ishtirokchisi hisoblanadi. O'shanda Do'smatov -49 kg vaznda chempionlikka erishgan bo'lsa, Karmona 1/4 finalda kolumbiyalik Yuberxen Martinesga yutqazib qo'ygandi.

"In SHa Alloh, IBA chempionlik kamarini O'zbekistonga olib kelaman", - deydi Do'smatov.