Hozircha bizda 3 oltin, 2 kumush, 8 bronza

Unda sayyoramizning eng etakchi sportchilari, o'smirlar va kadetlardan iborat 547 nafar taekvondo ustasi bahs olib bordi. Turnirda O'zbekiston terma jamoasi ham katta tarkib bilan ishtirok etmoqda.

Bosh murabbiy Akmal Ergashev va murabbiy Jasur Boyqo'ziev qo'li ostida kattalar terma jamoasi tarkibida Valentin Xegay (-54 kg), Bahrom Abdullaev (-54 kg), Temur O'rolov (-58 kg), SHuhrat Salaev (-63 kg), SHahboz Tusmatov (-68 kg), Nikita Rafalovich (-74 kg), SHahboz SHofayziev (-74 kg), Maksim Rafalovich (-80 kg), Mirzonozim SHaropov (-87 kg), Javohir Dehqonov (-87 kg), Davronbek Azimov (-87 kg), SHohrux Rajabov (+ 87 kg), Nazokatxon Najmitdinova (-53 kg), CHaros Qayumova (-57 kg), Nigora Tursunqulova (-67 kg), Maftuna Ergasheva (-73 kg), Svetlana Osipova (+73 kg) ishtirok etishyapti.

Abduvohid Rahimov boshchiligidagi o'smirlar va Sobir Nazaralievning kadetlar jamoasiga xalqaro musobaqada katta ishonch bildirildi. 

Jumladan, o'smirlar tarkibida Zuhra Ochilova (-63 kg), Feruza Sodiqova (-63 kg), Mushtariybegim Mavlonova (-55 kg), Madinaxon Qurbonalieva (-55 kg), Abdulaziz Hamidullaev, Abdulaziz Mahmudov (-73 kg), Islom Yo'ldoshev (-78 kg), Dinora Muxtorova (-44 kg) Vatanimiz sharafini himoya qilgan bo'lsa, kadetlar safida Feruza G'ozieva (-33 kg), Madina Ro'zieva (-37 kg), Umidaxon Hasanova (-41 kg), Madinabonu Abduqahhorova (-44 kg), Iroda Mirtojieva (-55 kg), Daniil Kim (-33 kg), SHahzod Ibragimov (-33 kg), Amirbek To'raev (-37 kg), Azizbek Rahmonberdiev (-45 kg), Asadbek Xolbo'taev (-57 kg), Abdulbosid Mamatxonov (-51 kg), Jasurbek Jaysunov (-59 kg), Abdulaziz Hamidullaev (-63 kg) Fujayra dayanlarida o'zlarini ko'rsatishmoqda.

Kadetlar tarkibida dastlabki kuni Daniil Kim, Amirbek To'raev, Azizbek Rahmonberdiev oltin, Javohir Xolmurodov kumush medalni qo'lga kiritgan bo'lsa, kattalar jamoasi sharafini himoya qilgan Temurbek O'rolov delegaciyamizga bronza medalini keltirdi. 

Ikkinchi kuni o'smirlar hisobiga Islom Yo'ldoshev, Dinora Muxtorova, Feruza Sodiqova bronza medalini yozib qo'ygan bo'lsa, kattalar tarkibida harakat qilgan Nikita Rafalovich kumush, Maftuna Ergasheva, Svetlana Osipova, Valentin Xegay bronza medali bilan kifoyalanishdi.