"Humo" xokkey klubining ramzi tasdiqlandi FOTO

Ushbu taqdimotda klubning o'yinchilari, murabbiylari va rahbariyat xodimlari ishtirok etadi. SHu bilan birga, taqdimot dasturidan o'zbek milliy liboslarini kiygan mo'ylovli yigitlar maskat shousi ham o'rin olgan.

«Humo» xokkey klubi ushbu mavsumda Oliy xokkey ligasida (VXL) o'ynashni boshlaydi.

Ushbu klub 5 sentyabrdan o'zining hchumo.uz internet-saytini ishga tushirdi. Portalda siz klub yangiliklari bilan tanishishingiz, asosiy va zaxira guruhlarning tarkibi, statistikasi, shuningdek boshqa malumotlarni topishingiz mumkin. Oliy xokkey ligasi taqvimi veb-saytda elon qilingan va muxlislar «Humo»ning Toshkentdagi navbatdagi o'yinlariga chiptalarni onlayn ravishda 10 mingdan 75 ming so'mgacha sotib olishlari mumkin.

«Humo Arena»da toshkentliklarning dastlabki uchta uchrashuvi bo'lib o'tadi. «Humo» VXLdagi dastlabki tarixiy o'yinini 11 sentyabr kuni «Ryazan» xokkey klubiga qarshi o'tkazadi. Hamyurtlarimiz 13 sentyabr kuni Qozonning «Bars» hamda 15 sentyabrda Nijniy Novgorodning «Torpedo-Gorkiy» jamoalariga qarshi muz ustiga tushadi.

Ikkinchi xokkey klubi - «Humo-2» esa Qozog'iston chempionatida o'z o'yinlarini boshlaydi. Jamoa dastlabki o'yinlarni 6 va 7 sentyabr kunlari «Pavlodar-Irtysh»ga qarshi o'tkazdi. «Humo-2»ning birinchi mezbonlik o'yini 15 sentyabr kuni Qozog'istonning «Almata» xokkey jamoasiga qarshi bo'lib o'tadi.

Oliy xokkey ligasi (VXL) ochiq xalqaro xokkey ligasi bo'lib, ayni paytda Rossiyada Kontinental xokkey ligasidan (KXL) keyingi ikkinchi eng kuchli professional liga hisoblanadi. VXLda Rossiya klublari, shuningdek, Xitoy va Qozog'istondan uchta jamoa ishtirok etadi.