Humoyun Sultonov Vale-de-Lobo turniri 1/2 finalida o'ynaydi

Mukofot jamg'armasi 25 000 dollarni tashkil etuvchi ushbu turnirda hamyurtimiz Humoyun Sultonov ham muvaffaqiyatli odimlayapti. Mamlakatimizning birinchi raketkasi 1/4 finalda ATP reytingida 534-pog'onada borayotgan chexiyalik Ginek Bartonni 7/6(6), 6/2 hisobida mag'lubiyatga uchratdi. 

Etiborlisi, Barton birinchi bosqichda turnirning birinchi raketkasini musobaqadan chiqarib yuborgandi. Bugun turnirda oltinchi raqam ostida tasniflangan yurtdoshimiz final chiptasi uchun portugaliyalik Enrike Roxaga qarshi kortga chiqadi. Dunyoning 277-raketkasi bo'lib turgan Roxa turnirda uchinchi raqam ostida harakat qilmoqda. Sultonov esa 436-pog'onadan joy olgan.