Iga Svyontek Australian Open uchinchi davrasiga yo'l oldi

"Katta Dubulg'a" turkumiga kiruvchi mavsumning ilk musobaqasining bugungi dasturidan o'rin olgan uchrashuvlar yomg'ir sabab kechroq muddatga qoldirildi. Kecha esa sayyoramizning birinchi raqamli tennis malikasi Iga Svyontek uchinchi davra yo'llanmasini qo'lga kiritdi. 

Polshalik tennischi ikkinchi davrada WTA reytingida 84-pog'onada borayotgan kolumbiyalik Mariya Osorioni ortiqcha qiyinchiliksiz mag'lub etdi - 6/2, 6/3. Sakson besh daqiqa davom etgan bahsda ikkala tennischi ham eys zarbasini amalga oshira olmagan. Bu tennischilarning o'zaro o'tkazgan ilk uchrashuvi edi.