IJF rasmiylari Toshkentda

SHu kungacha Toshkent shahrida uzluksiz etti yil davomida Gran-Pri turniri o'tkazib kelingan edi. O'tgan yili «Humo» arenada yuqori saviyada tashkil etilgan musobaqadan keyin Xalqaro dzyudo federaciyasi (IJF) poytaxtimizga «Katta Dubulg'a» turniri bilan birga kattalar o'rtasidagi Jahon chempionati (2022) mezbonligini ham topshirgandi.

Bugun IJF Musobaqalarni o'tkazish bo'limi menejeri Liza Alan amaliy tashrif bilan poytaxtimizga etib keldi. Liza xonimni Islom Karimov nomidagi Toshkent xalqaro aeroportida O'zbekiston dzyudo federaciyasi rais o'rinbosari SHoatxam Isroilov hamda Xalqaro dzyudo federaciyasida faoliyat yuritayotgan tajribali mutaxassisimiz Abdulla Murodov kutib oldi. Liza Alan tashrif davomida «Katta Dubulg'a» turniriga ko'rilayotgan tayyorgarlik, musobaqa o'tkaziluvchi «Humo» arena hamda tashkiliy masalalar bilan yaqindan tanishadi va o'z tavsiyalarini beradi. 

«Biz O'zbekistonda sportga hukumat darajasida etibor qaratilishi va buning natijasida har qanday nufuzdagi xalqaro musobaqa yuqori saviyada o'tkazilishidan xabardormiz. Bejizga Toshkent shahriga «Katta Dubulg'a» turniri hamda Jahon chempionati mezbonligi topshirilmadi. Ishonchim komil, 5-7 mart kunlariga belgilangan musobaqamiz ham mavjud talablarga mos ravishda o'tkaziladi», - dedi L.Alan.

Malumot uchun, hozirda O'zbekiston Jismoniy tarbiya va sport vazirligi, Milliy olimpiya qo'mitasi, mamlakat dzyudo federaciyasi hamda qator hamkor tashkilotlar vakillaridan iborat Ishchi va Tashkiliy guruh «Katta Dubulg'a» turnirini yuqori darajada o'tkazish yo'lida ish olib bormoqda.

O'zbekiston dzyudo federaciyasi matbuot xizmati