IKA Boshqaruv yig'ilishida 20 ga yaqin masalalar ko'rib chiqildi

To'rt soat davom etgan yig'ilishda dunyo kurashiga oid 20 ga yaqin masalalar muhokama qilindi. Hisobotlar tinglandi, kelgusidagi faoliyat bo'yicha reja hamda maqsadlar belgilab olindi. Yuzaga kelgan muammoli holatlarni bartaraf etish bo'yicha aniq manzilli qarorlar qabul qilindi.

IKA Prezidenti Haydar Farmon raisligida o'tgan yig'ilishda IKA vice-prezidentlari, qitaviy konfederaciyalar prezidentlari, Boshqaruv azolari, IKA Administraciyasi va kurash vatani vakillari ishtirok etdi.

Dastlab, yig'ilishni IKA Prezidenti ochib berdi. Bir necha kun avval Buyuk Britaniyaning Birmingem shahrida muvaffaqiyatli tarzda o'tkazilgan SportAccord 2024 xalqaro biznes va sport sammitidadi Kurashning taqdimoti haqida malumot berdi. Ananaga ko'ra yig'ilish kun tartibi tasdiqlandi. 

SHundan so'ng Afrika, Osiyo, Evropa va Panamerika qitasining Kurash konfederaciyalari Prezidentlarining 2024 yilgi musobaqalar taqvim rejasi bo'yicha hisobotlari tinglandi. Xalqaro Kurash instituti tomonidan olib borilayotgan faoliyat, murabbiylik va hakamlik seminarlari taqdimot qilindi.

SHundan so'ng IKA Bosh kotibi Muhammad Reza Nassiriy tomonidan Osiyo qitasidagi Janubiy Osiyo va Janubiy SHarqiy Osiyo chempionatlari, ularning yuqori darajada tashkil etish va musobaqalar doirasida kurash yaktaklari va gilamlarini taqdim qilish masalalari bo'yicha hisobot taqdim etildi.

Ijroiya qo'mita kun tartibidani navbatdagi masala bo'yicha IKA vice-prezidenti Ziyoviddin Xojiniyozov tomonidan xalqaro maktab o'yinlari, Islom birdamlik o'yinlari kabi nufuzli sport o'yinlar Dasturidan joy olish borasidagi olib borilayotgan muzokaralar haqida o'z fikrlarini bildirdi.

SHuningdek, yig'ilish davomida hakamlik, kurashchilar vaznlari, milliy federaciyalardagi paralel faoliyat, IKA azoligi va tan olinish kabi bir qancha muammoli holatlar muhokama qilindi.

Bundan tashqari  yig'ilishda, O'zbekiston Kurash federaciyasi raisi yordamchisi Sardor Karimov tomonidan Jahon professionallar seriyasi musobaqasining 2024 yilda o'tkazilishi bo'yicha hisoboti taqdim etildi.

Yig'ilish samimiy ruhda yakunlandi va IKA Prezidenti barcha ishtirokchilarga o'z minnatdorchiligini bildirdi.