Ikki yurtdoshimiz xokkey bo'yicha trener-o'qituvchi diplomini qo'lga kiritdi

Xususan, joriy yil 15 mart kuni poytaxtimizda barpo etilgan ko'p tarmoqli “Humo Arena” muz saroyi foydalanishga topshirildi, Samarqand shahrida ham muz saroyi qurilishi boshlab yuborildi, bir qator viloyatlarda muz saroylarini qurish rejalashtirilmoqda.

Jismoniy tarbiya va sport vazirligi tomonidan mazkur inshootlardan yanada samarali foydalanish, yoshlarimizni qishki sport turlari bilan munosib shug'ullanishlari uchun ilg'or xorijiy oliy talim muassasalari bilan hamkorlikda malakali trenerlar tayyorlash ishlari boshlab yuborildi.

Jumladan, o'tgan yilning oktyabr oyida Rossiyaning P.F.Lesgaft nomidagi Sankt-Peterburg milliy davlat jismoniy tarbiya, sport va salomatlik universiteti rahbariyati bilan bir necha marotaba muzokaralar o'tkazilib, hamkorlikda trenerlar tayyorlash bo'yicha kelishuvga erishilgandi.

Ikki tomonlama hamkorlik shartnomasiga asosan O'zbekiston davlat jismoniy tarbiya va sport universiteti o'qituvchilari Davletmurodov Sulton va Karimov Abduhamid P.F.Lesgaft nomidagi Sankt-Peterburg milliy davlat jismoniy tarbiya, sport va salomatlik universitetiga o'qishga yuborildi.

Universitetning Trenerlar tayyorlash oliy maktabi dasturiga asosan “Yuqori malakali xokkeychilarni tayyorlash nazariyasi va metodikasi” professional qayta tayyorlov kursini muvaffaqiyatli tugallagan yurtdoshlarimizga xokkey bo'yicha trener-o'qituvchi diplomi topshirildi. Bu haqda Jismoniy tarbiya va sport vazirligi rasmiy sayti malum qildi.

Ushbu mutaxassislar O'zbekiston davlat jismoniy tarbiya va sport universitetida ochilishi rejalashtirilgan xokkey yo'nalishiga qabul qilinadigan talaba-yoshlarni o'qitish metodlari, fan o'quv dasturlari, o'quv rejalarini ishlab chiqish bo'yicha faoliyat olib boradi.

Eslatib o'tamiz, Belarus davlat jismoniy tarbiya universiteti hamda Rossiya Federaciyasining P.F.Lesgaft nomidagi Sankt-Peterburg milliy davlat jismoniy tarbiya, sport va salomatlik universitetining O'zbekiston davlat jismoniy tarbiya va sport universiteti tarkibida O'zbek-Belarus hamda O'zbek-Rus qo'shma fakultetlarini tashkil etish to'g'risidagi Hukumat qarori loyihasi elon qilingan edi.