“Islom birdamlik o'yinlari”. 54 ta medal bilan 4-o'rindamiz!

Bugun musobaqaning navbatdagi kuni sportchilarimiz 11 ta medalni qo'lga kiritishdi. Oltin medallarimiz soni 14taga etdi. Boks bahslarida 3 ta, taekvondo, engil atletika va para atletika musobaqasida ham shuncha oltin medalni qo'lga kiritdik.

SHuningdek, hisobimizda 14 ta kumush, 26 ta bronza, jami 54 ta medal bor. Bu bilan medallar jamg'arish bo'yicha umumjamoa hisobida hamon 4-o'rinni egallab turibmiz. Bizdan avvalgi o'rinda borayotgan Eron terma jamoasida 16 ta oltin medal bor.

60 ta oltin, 52 ta kumush, 43 ta bronza, jami 155 ta medalni qo'lga kiritgan Turkiya terma jamoasi hamon 1-o'rinni band etgan.

Ozarbayjon terma jamoasi ikkinchi o'rinda boryapti. Mezbonlar hisobida 59 ta oltin medal bor. Kumush medallar soni 33, bronza esa 24 tani tashkil qilmoqda. Ularning umumiy medallari soni 116 taga etdi.