Istomin CHenduda bir haftada 183 435 dollar ishlab topdi

Mamlakatimizning birinchi raqamli tennischisi Denis Istomin 23 daqiqa davom etgan final uchrashuvida kiprlik Markos Bagdatisni mag'lub etdi. Aniqrog'i, Markos jarohati sabab beshinchi geymdan so'ng bahsni davom ettira olmasligini malum qildi.

Ushbu bir haftalik muvaffaqiyatli ishtirok hamyurtimizga 183 ming 435 AQSH dollari miqdoridagi mukofot puli hamda qimmatli 250 reyting ochkosini taqdim etdi. Bu Denisning faoliyatidagi ikkinchi ATP tituli bo'ldi.

Eslatib o'tamiz, Denis Istomin finalgacha yaponiyalik Yuichi Sugitani 6:2, 6:7, 6:0, germaniyalik Yan-Lennard SHtruffni 6:3, 7:6(7:3), rossiyalik Karen Xachanovni 6:3, 6:2, amerikalik Jared Donaldsonni esa 2:6, 7:5, 7:6(7:5) hisobida mag'lubiyatga uchratgandi.

Taqqoslash uchun, Istomin ayni paytda dunyo reytingida 78, Markos Bagdatis 113, Xachanov 32, SHtruff 47, Donaldson 58, Sugita 43-o'rinni egallab turibdi. Bagdatisni inobatga olmaganda barcha raqiblar reytingda Denisdan sezilarli darajada yuqori o'rinlarni band etishgan.