10 iyu 22:22
Yangiliklar

Tennis, Tokio-2020

Istomin ham Olimpiadada ishtirok etadi

Bugun O'zbekiston Milliy olimpiya qo'mitasiga Xalqaro tennis federaciyasi tomonidan mamlakatimizning birinchi raqamli raketka ustasi Denis Istominni joriy yil Rio-de-Janeyro shahri (Braziliya)da o'tkaziladigan XXXI yozgi Olimpiada o'yinlariga yo'llanma olgani tasdiqlanganligi haqida maktub keldi.

Birinchi raqamli tennischimiz olimpiya reyting jadvalida kuchli 56 nafar tennischi qatoridan o'rin oldi va to'rt yillikning eng yirik sport bayramida qatnashish xuquqini qo'lga kiritdi.
Eslatib o'tamiz, Denis Istomin 2012 yili London (Buyuk Britaniya)da bo'lib o'tgan Olimpiada o'yinlarida ham yakkalik bahslarda Vatanimiz sharafini munosib himoya qilgan edi.

Dastlabki bosqichda ispaniyalik Fernando Verdaskoni 6-4, 7-6, ikkinchi davrada esa lyuksemburglik Jil Myullerni 6-7, 7-6, 7-5 hisobida mag'lub etgan Denis Istomin, uchinchi bosqichda shveycariyalik Rojer Federerga 5-7, 3-6 hisobida imkoniyatni boy bergan edi. Mazkur Olimpiadada dunyoning etakchi tennischilaridan biri Rojer Federer finalga qadar yo'lni mag'lubiyatsiz bosib o'tgan.

Umid qilamizki, Denis Istomin “Rio-2016” o'yinlarida ham Vatanimiz sharafini munosib himoya qiladi. Bu yo'lda unga omad va zafarlar tilab qolamiz.

Havola :

Manba : Миллий Олимпия Қўмитаси матбуот хизмати

Reyting: