Istominning Olimpiadadagi ilk raqibi dunyoning 12-raketkasi bo'ladi

To'rt yillikning yakkalik bahslarida ishtirok etadigan yagona tennischimiz Denis Istomin ham qura natijasidan so'ng ilk bosqichdagi raqibini bilib oldi.

Unga ko'ra, mamlakatimizning birinchi raqamli tennischisi birinchi davrada ispaniyalik David Ferrerga qarshi kortga chiqadi. Ferrer dunyo reytingida 12-o'rinni band etgan. Olimpiadada esa 7-raqam ostida tasniflangan. Istomin esa dunyo reytingida 106-pog'onadan joy olgan.  

Agar Denis Istomin ispaniyalik tennischining to'sig'idan muvaffaqiyatli o'tib olsa, ikkinchi davrada rossiyalik Evgeniy Donskoy hamda germaniyalik Yan-Lennard SHtruff uchrashuvi g'olibi bilan to'qnash keladi.