28 okt 08:14
Yangiliklar

Boks/MMA

⚡️Jahon chempioni Abdumalik Xalokovning professional boksdagi debyut jangi raqibi, sanasi va manzili malum bo'ldi

Malum qilganimizdek, 17 noyabr kuni Toshkentdagi "Humo Arena" majmuasida Lift Promotions kompaniyasining katta professional boks oqshomi o'tkaziladi.

Musobaqadan o'rin olgan yana bir jang malum bo'ldi.

Unga ko'ra, havaskorlar o'rtasida jahon chempioni, yaqindagina Xitoyning Xanchjou shahrida bo'lib o'tgan XIX Osiyo o'yinlari g'olibi bo'lgan Abdumalik Xalokov Toshkentda ringga ko'tariladi. Unga 17 noyabr kuni ukrainalik Oleksandr Egorov (20-9-1) raqiblik qiladi. Jang engil vazn toifasida (61,2 kg) o'tkaziladi.

Qayd etish joiz, bu Abdumalik Xalokov uchun professional boksdagi debyut jang bo'ladi.

Avvalroq, ushbu turnir doirasida o'zbekistonlik bokschilardan Bahodir Jalolov, Mirazizbek Mirzahalilov, Mujibillo Tursunov jang qilishi haqida xabar bergan edik.