14 okt 09:41
Yangiliklar

Taekvondo

Jasurbek Jaysunov AQSHda President‘s CUP turnirida chempion bo'ldi

AQSHning Las-Vegas shahrida G-2 turkumiga kuruvchi President’s CUP xalqaro reyting musobaqasi boshlandi.

Musobaqada jahonning 70ga yaqin mamlakatidan 1500 nafardan ortiq sportchi ishtirok etmoqda. Ular orasida o'zbekistonlik taekvondochilar ham sovrinli o'rinlar uchun kurash olib borishyapti.

Turnirning ilk kunida hamyurtimiz Jasurbek Jaysunov bahslarga kirishdi. Terma jamoamiz azosi ikki AQSH sportchisi, Meksika va Kanada vakillarini mag'lub etib, finalgacha etib bordi. Hal qiluvchi jangda esa boshqa bir mezbon sportchini mag'lubiyatga uchratdi va oltin medal sohibiga aylandi.

Eslatib o'tamiz, ushbu musobaqa orqali taekvondochilarimiz Tokio 2020 Olimpiya o'yinlariga reyting ochkolarini jamg'aradilar.