JCH-2022. Uchinchi kunni ham medalsiz tugatdik

Kun davomida to'rt nafar hamyurtimiz medallar uchun kurash olib bordi. Erkaklar o'rtasida -73 kg vazn toifasida SHahram Ahadov va Murodjon Yo'ldoshev, ayollar o'rtasida esa -57 kg vaznli SHukurjon Aminova va Nilufar Ermagambetova yurtimiz sharafini himoya qildi. 

Afsuski, kun yakuniga ko'ra sportchilarimiz medalsiz qoladigan bo'lishdi. 

Ularning ishtirokiga oid yangiliklarni ushbu sahifa orqali kuzatib borishingiz mumkin bo'ldi. 

SAHIFANI YANGILASH

-73 kg vaznda SHahram Ahadov uchinchi bosqichda ozarbayjonlik Hidayat Xeydarovga qarshi bahs olib bordi va Golden Score'da imkoniyatni boy berdi. 

-73 kg vaznli Murodjon Yo'ldoshev uchinchi bosqichda yaponiyalik Siochi Xashimotoga Golden Score'da uchinchi shido evaziga yutqazdi. 

-57 kg vaznli Nilufar Ermaganbetova braziliyalik Rafaela Silvaga qarshi kurashdi va ippon evaziga yutqazdi.

-57 kg vazn toifasida SHukurjon Aminova janubiy koreyalik Mimi Xuxga qarshi tatamiga chiqdi va Golden Score'da imkoniyatni boy berib qo'ydi. 

+73 kg vazn: uchinchi bosqichda Murodjon Yo'ldoshev yaponiyalik Soichi Xashimoto bilan, SHahram Ahadov esa Hidayat Xeyderov bilan bellashadi. Jiddiy raqiblar. 

"Sport TV"da nihoyat translyaciya boshlandi. 

+73 kg vaznli Murodjon Yo'ldoshev ikkinchi bosqichda qirg'izistonlik Ertur Turdiboev bilan bellashdi va Golden Score'da g'alaba qozondi

+73 kg vazn toifasida SHahram Ahadov ikkinchi bosqichda ispaniyalik Salvador Kases Rosaga qarshi bahs olib bordi va so'nggi soniyalarda g'alabaga erishdi

Murodjon va SHahramning chiqishiga oz vaqt qolmoqda. Sportchilarimiz deyarli bir paytda, turli tatamilarda kurashishadi. 

+73 kg. Murodjon Yo'ldoshev ikkinchi bosqichda qirg'izistonlik Ertur Turdubaevga, SHahram Ahadov esa ispaniyalik Salvardor Kazes Rozaga qarshi bahs olib boradi.

+73 kg vazn toifasida SHahram Ahadov AQSH vakili Dominik Rodrigesni mag'lubiyatga uchratdi va ikkinchi bosqichga yo'l oldi. 

SHahram Ahadovning chiqishiga oz vaqt qolmoqda. 

+73 kg vaznli Murodjon Yo'ldoshev Gambiya vakilini mag'lubiyatga uchratdi. Ikkinchi bosqich!

Vakillarimizning bugungi ishtirokini Murodjon Yo'ldoshev boshlab beradi. 

Dzyudochilarimiz JCHni quyidagi raqiblarga qarshi boshlashadi: 

-73 kg: SHahram Ahadov - Dominik Rodriges (AQSH)

-73 kg: Murodjon Yo'ldoshev - Fae Njie (Gambiya)

-57 kg: Nilufar Ermaganbetova - Rafaela Silva (Braziliya)

-57 kg: SHukurjon Aminova - Adina Kochkonbaeva (Qirg'iziston)/Mimi Huh (Janubiya Korea)