Jeyk Polning MVP kompaniyasi PFL ligasini sotib olmoqda

"Most Valuable Promotions" (MVP) promouterlik kompaniyasi va PFL tomonidan elon qilingan press-relizda yangi birlashgan tashkilot tuzilgani malum qilindi. U MVP nomi ostida faoliyat yuritib, "jahon darajasidagi boks va aralash yakkakurashlarni birlashtiradi hamda sportchilar manfaatlariga yo'naltiriladi".

"Yakkakurashlar kelajagi etib keldi. MVP`ga xush kelibsiz", — deyiladi press-relizda.

Kutilishicha, kelgusi taqvim yil boshiga kelib, PFL ligasi o'zining hozirgi ko'rinishida yangi MVP tashkilotiga to'liq integraciya qilinadi va uning brendi muomaladan chiqariladi.

Kompaniyani Jeyk Pol, uning biznes hamkori Nakisa Bidarian, shuningdek, PFL bosh direktori Jon Martin boshqaradi. Martin birlashgan kompaniya rahbari lavozimini egallaydi va direktorlar kengashiga kiradi. Bidarian esa boks yo'nalishi va tadbirlarni o'tkazishga masul bo'ladi.

Elon qilingan malumotlar, shuningdek, ijtimoiy tarmoqlardagi press-relizning vizual dizayni gap aynan PFL ligasining yutilishi (sotib olinishi) haqida ketayotganiga shubha qoldirmaydi.

Joriy yilning may oyida MVP promouterlik kompaniyasi o'zining ilk aralash yakkakurashlar turnirini o'tkazgan edi. Unda asosiy jang sifatida ayollar o'rtasida yarim engil vazn toifasida Ronda Rouzi va Jina Karano o'rtasidagi bahs bo'lib o'tdi. Netflix orqali translyaciya qilingan tadbir muvaffaqiyatli deb topildi va MVP rahbarlarining so'zlariga ko'ra, UFC bilan jiddiy raqobat uchun asos bo'ldi.

Ushbu hafta PFL ligasi Nyu-Yorkda o'zining so'nggi turnirlaridan birini o'tkazadi. Turnirning markaziy jangida rossiyalik Usman Nurmagomedov engil vazn toifasidagi chempionlik kamarini amerikalik Archi Kolganga qarshi himoya qiladi.