Jizzaxda “Talaba – yugur!” sport musobaqasi o'tkazildi

9 oktyabrdan 30 noyabriga qadar mamlakatimizning 14 ta shahrida “Talaba – yugur!” nomli yugurish musobaqalari o'tkazilishi va unda oliy o'quv yurtlarining talaba-yoshlari hamda professor-o'qituvchilari ishtirok etishi ko'zda tutilgan edi.

Musobaqa O'zbekiston Respublikasi Oliy talim, fan va innovaciyalar hamda Sport vazirliklari, Engil atletika federaciyasi, “Davlat axborot tizimlarini yaratish va qo'llab-quvvatlash bo'yicha yagona integratori UZINFOCOM” masuliyati cheklangan jamiyati va O'zbekiston Talabalar sporti associaciyasi hamkorligida tashkil etildi.  

– “UZINFOCOM” kompaniyasi Engil atletika federaciyasi bilan hamkorlikda O'zbekistondagi yugurishga bag'ishlangan birinchi elektron platformani ishga tushirganidan xabaringiz bor, albatta, – deydi musobaqa bosh hakami, O'zbekiston Engil atletika federaciyasi raisi o'rinbosari SHuhrat Usmonov. – Yugur.uz – xalqaro va respublika yugurish musobaqalarini tashkil etish imkoniyatlarini ochib berib, onlayn ro'yxatdan o'tish jarayonlarini soddalashtirgan holda ushbu musobaqada Jizzax shahridagi oliy talim muassasalarining 1 mingga yaqin talaba va o'qituvchisi ishtirok etish istagini bildirib ro'yxatdan o'tdi. Platforma sog'lom turmush tarzini targ'ib qilish va yoshlarni muntazam ravishda sport bilan shug'ullanishga jalb qilish maqsadida O'zbekiston Respublikasi Davlat bayrog'i qabul qilingan kunning 33 yilligi oldidan o'tkazilayotganligi alohida tahsinga loyiq.

Mazkur musobaqada Jizzax davlat pedagogika universiteti, Jizzax politexnika instituti, “Sambhram” universiteti, O'zbekiston Milliy hamda Qozon Federal universitetlari Jizzax filiallari professor-o'qituvchilari, xodimlari hamda talaba-yoshlari ishtirok etdi.

Ayniqsa, ushbu sport bellashuvida Jizzax politexnika institutining 200 ga yaqin talaba-yoshlari, professor-o'qituvchilari hamda xodimlari barchaga o'rnak bo'lgan holda bir jamoa bo'lib ishtirok etganini ham shu o'rinda takidlab o'tish lozim.

Musobaqa yakuniga ko'ra, birinchi, ikkinchi va uchinchi o'rinlarni egallagan, har bir kursdan 12 nafar talaba yigit, 12 nafar qiz, 3 nafar erkak va 3 nafar ayol o'qituvchi-professor pul mukofotlari bilan taqdirlandi.