28 okt 15:59
Yangiliklar

Tennis

Juftlikdagi WTA Yakuniy turniriga ham qura tashlandi

Xabar berganimizdek, Meksikaning Kankun shahri tennis bo'yicha WTA Yakuniy turniriga mezbonlik qiladi.

Yakkalik bahslaridan so'ng musobaqaning juftlik turniriga ham qura tashlandi. Sakkizta juftlik ikkitadan guruhga ajratildi. Maxaual va Mayya-Kaan guruh nomlari bo'lib, Meksikadagi qishloqlar hisoblanadi.

Qura natijalari:

Maxaual guruhi: Kori Goff va Jessika Pegula, Barbora Kreychikova va Katerjina Sinyakova, Vera Zvonaryova va Laura Zigemund, Gabriela Dabrovski va Erin Rutlif.

Mayya-Kaan guruhi: Storm Xanter va Elize Mertens, SHuko Aoyama va Ena SHibaxara, Demi SHuurs va Dezayr Kravchik, Nikol Melikar va Ellen Peres.

Guruh bosqich bahslari ertaga, 29 oktyabr kuni boshlanadi. Har bir guruhdan birinchi va ikkinchi o'rinni egallagan juftliklar 1/2 final yo'llanmasini qo'lga kiritadi.