Karatechilarimiz Yaponiyadagi jahon chempionatida umumjamoa hisobida birinchi bo'lishdi FOTOGALEREYA

Dunyoning 35 davlatdan 1000 nafardan ziyod karatechilar ishtirok etgan dunyo birinchiligida Suhrob Irisqulov boshchiligidagi mamlakatimiz terma jamoasi azolari ham o'z mahoratlarini namoyish etishdi. 

Quvonarlisi, hamyurtlarimiz jahon chempionati yakunida 13 ta oltin, 12 ta kumush va 5 ta bronza, jami 30 ta medal bilan umumjamoa hisobida birinchi o'rinni egallashdi. 

Nozigul Adhamova, Abdulaziz Xo'jaqulov, Ahror va Asror Irisqulov, SHoxruh Istamov, Adham Ibragimov singari karatechilarimiz o'z vazn toifalarida shoxsupaning eng yuqori pog'onasiga ko'tarilishdi. 

Adham Ibragimov esa oltin medaldan tashqari jahon  chempionatining eng yaxshi sportchisi deb ham topildi. Abdulaziz Xo'jaqulov va Axror Irisqulov qora belbog' uchun imtixon topshirishdi va 1-DAN qora belbog' sohibiga aylanishdi.