Kayrat Satjanov Do'smatov - Bibosinov bahsi haqida: Bu juda qiyin jang bo'ladi

Boks bo'yicha Qozog'iston terma jamoasining sobiq bosh murabbiyi Kayrat Satjanov Osiyo o'yinlari 1/8 finalida Xasanboy Do'smatov va Saken Bibosinov o'rtasidagi bo'lajak jang haqida gapirdi.

«Bu juda qiyin jang bo'ladi. Ko'p narsa murabbiylar tanlagan taktikaga bog'liq bo'ladi. Bibosinov Serbiyadagi jahon chempionatidagi kabi Do'smatovni mag'lub etishi zarur. Sakenga g'alaba tilayman, oldingi janglarda yo'l qo'yilgan xatolardan qochishimiz kerak. Ring markazida bo'lishga harakat qilish va raqibni masofada ushlab turish kerak» - dedi mutaxassis.