17 noy 13:56
Yangiliklar

Boks/MMA

Konor Makgregor UFC 300 turnirida jang qilishini aytdi

Ikkita vazn toifasida UFC sobiq chempioni, irlandiyalik aralash yakka kurash ustasi Konor Makgregor navbatdagi jangini qachon o'tkazishi mumkinligiga ishora qildi.

Sobiq chempion o'z muxlisining ijtimoiy tarmoqlarda yo'llagan savoliga javob berdi.

"Biz seni UFC 300 turnirida ko'ramizmi?"

- Ha! Ishonchim komil, biz jang sanasini oldik. To'g'ri, sahna ortida juda ko'p narsalar mavjud, lekin barcha ishtirokchilar buni amalga oshirish uchun astoydil harakat qilmoqda, - deya muxlisiga javob qaytargan Konor.

Malumot uchun, UFC 300 turniri 2024 yilning aprel oyida o'tkaziladi.

Avvalroq, Konorning murabbiyi jangchining aprel yoki iyul oyida jang qilishini aytgan edi.