Korea Open musobaqasini bronza medali bilan boshladik FOTO

Kecha o'smirlar o'rtasidagi bahslar boshlandi. Bellashuvlarda -45kg vazn toifasida yurtimiz sharafini himoya qilgan Amirbek To'raev uchinchi o'rinni egalladi.

Hamyurtimiz yuqori reytingga ega bo'lganligi sababli (o'z yosh toifasida jahon reytingida ikkinchi o'rin) musobaqani ikkinchi davradan boshladi. U ilk jangida rossiyalik sportchini 23:1 hisobida mag'lubiyatga uchratdi. Yarim finalda esa tailandlik raqibga bir ochko farqi bilan (8:9) imkoniyatni boy berib qo'ydi. SHu tariqa hamyurtimiz musobaqada bronza medali bilan kifoyalandi.

Eslatib o'tamiz, musobaqada birinchi o'rinni qo'lga kiritgan sportchi 20 reyting ochkosiga ega bo'ladi. Ikkinchi va uchinchi o'rinni qo'lga kiritgan sportchilar esa mos ravishda 12 va 8 ochkoni o'z hisoblariga qo'shib qo'yishadi.