Kriket federaciyasi nogironligi bor bo'lgan yoshlar bilan ishlashni boshladi

Xabaringiz bor, o'tgan yili O'zbekiston kriket federaciyasi O'zbekiston Nogironlar jamiyati markaziy boshqaruvi bilan birgalikda mamlakatimizda jismoniy tarbiya va sportni, shu jumladan kriket sport turini keng aholi qatlami, xususan, imkoniyati cheklangan insonlar orasida ham ommaviyligini taminlash bo'yicha o'zaro hamkorlik memorandumini imzolashgan edi. Mazkur hamkorlik doirasida kriket federaciyasi tomonidan yangi yilning dastlabki kunlaridanoq xayrli ishlarni boshlab yuborishdi. 

Xususan, kecha 5 yanvar kuni poytaxtimizning CHilonzor tumanidagi 66 - sonli imkoniyati cheklangan bolalar uchun ixtisoslashtirilgan maktabda kriket federaciyasi vakillari, murabbiy va sportchilari bir guruh nogironligi bo'lgan yoshlar uchun dastlabki ilk o'quv-mashg'ulotlarini o'tkazishdi.

Kriket federaciyasi bosh kotibi Jahongir Murodov imkoniyati cheklangan yoshlarni ham kriket sport turiga faol jalb etish orqali jamolarni shakllantirish va  ular o'rtasida musobaqalar  o'tkazish to'g'risida takidlab o'tdi. SHuningdek, kriket bo'yicha sportchilar ishtirokida kriket qoidalarini tushuntirib, amalda o'yin  orqali bajarib ko'rsatishdi. O'quv-mashg'ulotda ishtirok etib jarayonlarni kuzatgan imkoniyati cheklangan yoshlar esa kriket sport turiga qiziqishi ortgani va mashg'ulotlarda ishtirok etish, kriket bo'yicha jamoalar tuzish istagi borligini qayta-qayta takidlashdi. O'z o'rnida federaciyasi vakillari buning uchun barcha shart-sharoitlarni yaratib berishni o'zlarining asosiy vazifasi sifatida qabul qilishdi.

Ilhom RAHMONOV tayyorladi