13 mar 12:54
Yangiliklar

Boshqalar

Kriket federaciyasi trenerlar tayyorlashga ham etibor qaratmoqda

Teglar : Kriket

10 mart kunidan 12 mart kuniga qadar Xalqaro kriket kengashi (ICC) tomonidan O'zbekiston kriket federaciyasida " Level-I" xalqaro kriket murabbiyligiga o'qitish kursining ikkinchi bosqichi o'tkazildi.

Mazkur o'quv-kursini oliy toifali instruktor, ICC ning Osiyo mamlakatlarida kriket sport turini rivojlantirish bo'limi boshlig'i, janob Iqbol Skander (BAA) olib bordi. Respublikamizning turli hududlaridan yig'ilgan sport mutaxassislari hamda talabalardan iborat 45 nafar seminar ishtirochilari uch kunlik o'quv-mashg'ulotlarni yakunlagach, ICC vakiliga imtihon topshirishdi va imtihonlardan muvaffaqiyatli o'tgan tinglovchilar Xalqaro Kriket Kengashining birinchi bosqichli xalqaro kriket murrabbiysi sertifikatiga ega bo'lishdi. Muhim jihati, birinchi bosqich xalqaro kriket murabbiylik sertifikatini qo'lga kiritgan trenerlar endi nafaqat mamlakatimizda balki xorijiy davlatlarda ham kriket bo'yicha trener bo'lib ishlash imkoniyatiga ega bo'lishdi.

Seminar yakunida ICC vakili Iqbol Skanderga minnatdorchilik sifatida O'zbekiston kriket federaciyasi tomonidan esdalik sovg'alari topshirildi.

Eslatib o'tamiz, O'zbekiston kriket federaciyasi 2022 yildan Xalqaro kriket kengashining (ICC) rasmiy azosi hisobalanadi.

Ilhom RAHMONOV tayyorladi