Kryuger faoliyatidagi ilk sovrinni Osakada qo'lga kiritdi

Hal qiluvchi final uchrashuvida WTA reytingida 123-pog'onada borayotgan amerikalik Eshlin Kryuger dunyoning 35-raketkasi, xitoylik CHju Linga qarshi kortga chiqdi va kuchli raqibasini 6/3, 7/6(6) hisobida mag'lubiyatga uchratdi. Bu Kryuger uchun faoliyatidagi birinchi sovrin bo'ldi. 

Bu tennischilarning o'zaro o'tkazgan ilk uchrashuvi edi. To'qson sakkiz daqiqa davom etgan bahsda Kryuger 7, CHju Lin 3 ta eys zarbani amalga oshirgan. Ikkala tennischi ham 3 tadan qo'shxatoga yo'l qo'ydi. 

Kinoshita Group Japan Open Tennis Championships turniridagi muvaffaqiyatli ishtirok amerikalik tennischiga 280 reyting ochkosi hamda 34,228 dollar mukofot puli keltirdi. Kryuger ertaga elon qilinadigan reytingda Top-100`talikda debyut qiladi.