Kurashchi va gimnastikachilarimiz Osiyo o'yinlariga qay tarzda tayyorlanishmoqda? FOTO

O'zbekiston sport delegaciyasi ushbu nufuzli turnirda o'z oldiga katta maqsadlar qo'ymoqda. Terma jamoalarimizning Osiyo o'yinlariga munosib tayyorlanishlari uchun Milliy olimpiya qo'mitasi tomonidan o'quv-mashg'ulot yig'inlari tashkil etib berilgan.Bugun MOQ ishchi guruhi sportchilarimizning o'yinlarga qay tarzda tayyorgarlik ko'rayotganliklarini kuzatish uchun mashg'ulotlarga tashrif buyurdi.

«Dinamo» sport jamiyatiga qarashli mashg'ulotlar zalida sport kurashlari bo'yicha terma jamoamiz azolari qizg'in mashg'ulot olib bormoqdalar. Malumki, yaqinlashib kelayotgan o'yinlarda sport kurashlari (erkin, yunon-rum va ayollar kurashi)dan ham ko'plab medallar kutilmoqda. Polvonlarimiz ana shuni his qilgan holda mashg'ulotlarda astoydil ter to'kishmoqda.


«Yunon-rum kurashchilarimiz Osiyo o'yinlarida muvaffaqiyatli ishtirok etishni maqsad qilib qo'yganlar. Bu yo'lda mashg'ulotlar qizg'in davom etmoqda. Osiyo o'yinlarigacha iyul oyida Gruziya va Turkiyada bo'lib o'tadigan Gran-Pri musobaqalarida ishtirok etamiz. Indoneziya safari oldidan tayyorgarlikning so'nggi bosqichi Yangiobod bazasida tashkil etiladi», – dedi yunon-rum kurashi bo'yicha terma jamoa murabbiyi Ravshan Ro'ziqulov.


SHundan so'ng O'zbekiston gimnastika federaciyasiga qarashli «Universal» sport majmuasida davom etayotgan mashg'ulotlar borib ko'rildi. U erda ham badiiy gimnastika, trampolin, sport gimnastikasi terma jamoalari Osiyo o'yinlariga tayyorgarlikni davom ettirmoqdalar. Mashg'ulotlar rejaga binoan kuniga ikki martadan o'tkazilmoqda. Gimnastikachilarimiz ham Osiyo o'yinlarida, shuningdek, Buenos-Ayresda o'tkaziladigan III yozgi o'smirlar Olimpiya o'yinlariga tayyorlanishmoqda. Badiiy gimnastikachilarimiz ananaga ko'ra Osiyo o'yinlarida terma jamoamiz uchun medallar shodasini taqdim etishni rejalashtirib qo'yishgan.