Kutilmagan qaror. Jahon chempioni Niko Rosberg faoliyatini yakunladi

Germaniyalik pilot professional faoliyatini yakunlaganini rasman elon qildi. Rosberg yaqindagina Abu-Dabi Gran- prisidan so'ng faoliyatida ilk bor jahon chempionligini qo'lga kiritgan edi.

Kecha “Mersedes” jamoasi azosi o'zining Facebook ijtimoiy tarmog'idagi sahifasida bu haqda xabar qoldirdi.

“Men 25 yildan beri ushbu sport turidaman. O'zimning azaliy orzuim – “Formula-1” musobaqalarida jahon chempioni bo'lishga erishdim. Buning yo'lida juda murakkab yo'lni bosib o'tdim. Ko'p narsadan voz kechishga to'g'ri keldi. Yaqin haftalarda kelgusi faoliyatim qaysi sohada davom etishiga oydinlik kiritib olishim kerak”, – dedi Rosberg.

Malumot uchun, 31 yoshli Niko Rosberg o'zining professional faoliyatini 1996 yilda boshlashan. “Formula-1” poygalarida esa 2006 yilda Bahrayn Gran-prisida debyut qilgan.