Kutilmagan xabar. Karate Olimpiada-2024 dasturidan chiqarildi

Ushbu Yozgi olimpiya o'yinlari Franciya poytaxti Parij shahrida bo'lib o'tadi. Bu malumotni shaxsan Butunjahon karate WKF prezidenti Antonio Espinosa ham tasdiqladi. 

“So'nggi yillarda bizning sport turimiz geometrik o'sishga erishdi. Lekin biz xalqaro olimpiya oilasiga buni amalda isbotlab bera olmadik. Biz oxirgi oylarda Franciya karate federaciyasi bilan hamkorlikda 2024 yilgi Olimpiada dasturida karatening bo'lishi uchun kurashdik. Barcha talablarni bajardik, deb o'ylagandik. Lekin afsuski, bugun bizga shunday noxush xabarni etkazishdi: karate Parij Olimpiadasi dasturidan chiqarilibdi”, - dedi Antonio Espinosa.

Malumotda keltirilishicha, 2024 yilgi Parij Olimpiadasi dasturiga karatening o'rniga breyk-dans kiritilar ekan. Agar vaziyat ijobiy tomonga o'zgarmasa, u holda Yaponiya sport turi hisoblangan karate WKF bo'yicha birinchi va oxirgi Olimpiada aynan Tokioda 2020 yili bo'lib o'tadi.