Lola Karimova-Tillaeva Xalqaro Olimpiya qo'mitasi tomonidan taqdirlandi

“Bundan nihoyatda xursandman. Ushbu sharafli diplom sport sohasida gender tenglikni ilgari surish borasidagi say-harakatlar uchun taqdim etildi. Sportni xotin-qizlar orasida ommalashtirish maqsadida amalga oshirilayotgan ishlarimizga shunday yuqori baho berilgani uchun Xalqaro olimpiya qo'mitasi va uning prezidenti Tomas Baxga o'z minnatdorchiligimni izhor etmoqchiman”, - dedi Lola Karimova-Tillaeva.

Takidlash joizki, bugungi kunda o'nlab iqtidorli o'zbekistonlik sportchi ayollar nufuzli xalqaro musobaqalarda muvaffaqiyatli ishtirok etib, O'zbekiston sportining xalqaro miqiyosidagi nufuzini yanada oshirishga o'zlarining ulkan hissalarini qo'shmoqdalar.

O'zbekiston gimnastika federaciyasi tomonidan olib borilayotgan say-harakatlar o'zbek sportining rivojiga xizmat qilib, sportchilarimizning kelajakdagi g'alabalari uchun zamin yaratishi shubhasiz.