Lutfullaev "Masters"ni 7-o'rinda yakunladi, O'razboevda bronza uchun imkoniyat bor

Afsuski, jahon chempionatining kumush medali sovrindori SHarofiddin Lutfullaev bronza medali yo'lidagi o'tish bellashuvida rossiyalik Albert Oguzovga imkoniyatni boy berib, Qatar "Masters" turnirini 7-o'rin bilan yakunladi. SHarofiddin medalga ilinmagan bo'lsa-da, qimmatli 468 reyting ochkosini qo'lga kiritdi.

Ushbu vazn toifasidagi ikkinchi dzyudochimiz Diyorbek O'razboev ham 1/4 finalda mag'lubiyat alamini totib ko'rdi. Rio Olimpiadasining bronza medali sovrindori Xitoy Taypeyi vakili Yung Vey Yangga yutqazib qo'ydi. Endi u bronza medali yo'lidagi o'tish bellashuvida o'z omadini sinab ko'radi.