Magomed Ankalaev: "Aleks Pereyrani ortiq hurmat qilmayman"

"To'g'risini aytsam, yaqin-yaqingacha men uni ham jangchi, ham inson sifatida hurmat qilardim. Endi uni hurmat qilmayman. Mayli, tresh-tok - bu jangga qiziqish uyg'otish usuli, hazillashish yoki kimnidir masxara qilish mumkin. Ammo sen odamlarga yolg'on gapirib: "Men uni ko'rdim, u yashirindi" deb yolg'on xabar tarqatishga haqqing yo'q. Muammo shundaki, bir necha kun oldin u bu safsatalarni aytib yurgan edi, bugun esa men uni ko'rdim. Men faqat murabbiy bilan, u esa butun jamoasi bilan birga edi - men unga yaqinlashdim va dedim: "Hoy, yigitlar. Siz meni yashirinib yurgan deb yolg'on gapirdingiz. Men hozir shu erdaman. Nima qilmoqchisiz? O'sha erning o'zidayoq bahonalar o'ylab topa boshladi: - E, buni bir qiz aytdi, anavi yigit aytdi.

Menda hech qanday muammo yo'q, lekin agar u keyingi haftada menga juda yaqinlashsa va haddan oshishga qaror qilsa, albatta, o'zimni himoya qilaman. Qolganini qafasda ko'ramiz", - deya Ankalaevning so'zlarini keltiradi MMAJunkie.

Ularning revansh jangi 25 oktyabr kuni Las-Vegas (AQSH) shahrida o'tkaziladigan UFC 320 turniriing asosiy to'qnashuvi bo'ladi. Ankalaev va Pereyra o'rtasidagi birinchi jang 2025 yil 9 mart kuni UFC 313 turnirida bo'lib o'tgandi. To'liq besh raund davom etgan jang hakamlarning yakdil qarori bilan Ankalaevning g'alabasi bilan yakunlandi.