Magomed Ankalaev Bogdan Guskov bilan jangni mashg'ulot deb atadi

Avvaliga Ankalaev Xalil Rauntriga qarshi jang qilishi kerak edi, ammo u jarohati sabab bellashuvdan chetlashdi. Uning o'rnini hamyurtimiz Bogdan Guskov egalladi.

«Albatta, Xalilning jangga chiqa olmaganidan xafa bo'ldim. Men aynan unga qarshi tayyorgarlik ko'rgan edim. Lekin oxirgi pallada menga yangi raqib topilgani meni umuman xafa qilmadi. Aksincha, jang baribir o'tkaziladigani va qisqa vaqt ichida taklifni qabul qilib, ushbu to'qnashuvni saqlab qolgan inson topilganidan xursandman. SHuning uchun bu jangni intiqlik bilan kutyapman.

Guskov taklifni ikkilanmasdan qabul qilgan yagona jangchi bo'ldi. Qolganlarni ham yaxshi tushunaman. Bu professional sport va bu erda juda katta narsalar tikkan. To'liq tayyorgarliksiz reyting peshqadamiga qarshi oktagonga chiqish istalgan jangchining faoliyatiga jiddiy tasir qilishi mumkin. SHuning uchun hech kimdan xafa emasman.

Men uchun bu jang, avvalo, oktagonga qaytish imkoniyati. Agar shunday deyish mumkin bo'lsa, bu o'ziga xos qizishib olish jangi. SHu manoda Bogdan men uchun mos raqib. U reytingda to'qqizinchi o'rinda turibdi va bu imkoniyat uning faoliyatini tubdan o'zgartirishi mumkin. Bu juda katta imkoniyat. Albatta, u mening reytingdagi o'rnimni egallash va imkoniyatidan foydalanish uchun bor kuchini ishga soladi. Ammo buni amalga oshirish unchalik oson bo'lmaydi», — dedi Ankalaev MMA Junkie nashriga bergan intervyusida.