Mahmud Muradov navbatdagi raqibi va jangga tayyorgarlik haqida gapirdi

Xabaringiz bor, Mahmud Muradov 3 sentyabr kuni Franciyaning Parij shahrida o'tkaziladigan UFC Fight Night turnirida dog'istonlik Abusufyon Magomedovga qarshi oktagonga ko'tariladi. Muradov saytimiz muxbiri bilan suhbatda mazkur jangga qaerda tayyorgarlik ko'rishi va raqibi haqida gapirdi.

"Jangga tayyorgarlik har doimgidek CHexiya va Polshada bo'lib o'tadi. Raqibim UFC'da debyut qiladi. Magomedov yaxshi jangchi. Hech narsa o'zgargani yo'q, biz ham 3 sentyabr kuniga belgilangan jangga astoydil tayyorgarlik ko'ramiz", - dedi Muradov.