Mahmud Muradov oktagonga chiqadigan oqshomning markaziy jangi elon qilindi

Tashkilotchilar UFC Fight Night seriyasiga kiruvchi ushbu turnirning asosiy jangini elon qilishdi. Unda o'rta vazn toifasi vakillari - gruziyalik Roman Dolidze va franciyalik Nassurdin Imavov o'zaro oktagonda to'qnash kelishadi. 

Malumot uchun, 35 yoshli Roman Dolidze shu yilning mart oyida uchta g'alabali seriyasidan so'ng Marvin Vettoriga yutqazib qo'ygandi. SHundan so'ng gruziyalikning Derek Branson va Jared Kannonirga qarshi janglari bekor bo'ldi. Branson tashkilotni tark etgan bo'lsa, Jared jarohat sabab Dolidzeni raqibsiz qoldirgan edi. 

Rossiyada tug'ilgan, hozirda Franciya sharafini himoya qilayotgan 28 yoshli Nassurdin Imavov esa bu yil hisobidan ikkita jang o'tkazdi. Dastlab u SHon Striklendga ochkolar hisobiga ko'ra imkoniyatni boy berib qo'ydi. Kris Kertis bilan jangi esa o'tkazilmagan deb topildi. Ikkinchi raunddagi bosh bilan to'qnashuvdan keyin Kris jangni davom ettirishdan bosh tortgandi. Ungacha asli kelib chiqishi dog'istonlik bo'lgan Nassurdin ketma-ket uchta g'alabani tantana qilgan. Yen Xeynish va Edmen SHaxbazyanni nokautga uchratgan, Xoakin Baklidan hakamlarning yakdil qarori bilan ustun kelgan edi.

Ayni paytda Roman Dolidze UFC o'rta vaznlilar reytingida ettinchi, Nassurdin Imavov esa o'n ikkinchi o'rinni egallab turibdi. Aynin shu oqshomda hamyurtimiz Mahmud Muradov ham o'z jangini o'tkazadi. Aralash yakkakurash ustamiz rossiyalik Aliasxab Xizrievga qarshi oktagonga ko'tariladi.