Makgregor qo'lqopsiz janglarda ringga chiqadi, raqib ham malum

Bu malumotni BKFC promousheni rahbari Devid Feldman ham tasdiqladi. U irlandiyalikning hozirda o'zining debyut jangini o'tkazishga tayyorgarlik ko'rayotganini malum qildi. Konorning raqibi sifatida sobiq UFC jangchilari - Jeremi Stivens va Mayk Perri o'rtasidagi jang g'olibi bo'lishini takidladi.

"Bugun mening yonimda do'stim Konor Makgregor bo'lishi kerak edi. Lekin u kela olmadi, chunki u mashg'ulot jarayoniga katta etibor qaratgan. Bu men ko'rgan eng yaxshi Konor Makgregor. U astoydil mashq qilmoqda va diqqatini jamlagan. Makgregor menga Jeremi Stivenson va Mayk Perri o'rtasidagi jang g'olibi uning navbatdagi raqibi bo'lishini aytdi", - dedi Feldman Nyu-Jersidagi matbuot anjumanida.