Matchboldan chiqib ketgan Tiafo SHtutgartni zabt etdi

Final uchrashuvida dunyoning 12-raketkasi, amerikalik Frensis Tiafo reytingda o'zidan 12 pog'ona quyida borayotgan germaniyalik Yan-Lennard SHtruffga qarshi kortga chiqdi. Ikki soatu 12 daqiqa davom etgan dramatik bahsda Tiafo irodali g'alabaga erishdi - 4/6, 7/6(1), 7/6(8).

Amerikalik tennischi o'zaro uchrashuvlarda hisobda oldinga chiqib oldi - 2:1. Tiafo ikkinchi setda matchboldan chiqib ketgan. Tiafo 13, SHtruff 28 ta eys zarbasini amalga oshirgani etiborga molik holat. 

Bu Frensisning maysa qoplamali turnirda qo'lga kiritigan birinchi sovrini bo'ldi. Tiafo o'z ishtirokidan 250 reyting ochkosi va 109,270 evro mukofot puli ishlab oldi. SHtruff ea 150 ochko va 63,740 evroga ega bo'ldi.