MDH o'yinlari: o'yinlarning so'nggi kuni yakunlandi

O'zbek sportchilarining 13 avgust kungi ishtirokiga oid yangiliklarni ushbu sahifa orqali kuzatib borish mumkin bo'ldi.

Kun davomida medal qo'lga kiritgan sportchilarimiz ro'yxati bilan tanishing. 

20:20. Karate. Mohlaroyim Hakimjonova terma jamoamiz hisobiga kumush medalni qo'shib qo'ydi. 

20:14. Ayollar kurashi. Feruza Esenbaeva bronza medaliga sazovor bo'ldi.

20:00. Karate. Alisulton Xojiev kumush medalga ega chiqdi.

19:11. Ayollar kurashi. Nigina Sobirova rossiyalik raqibasidan ustun keldi va bronza medalini qo'lga kiritdi. 

18:50. Ayollar kurashi. Jasmina Immaeva kumush medal sohibasiga aylandi

17:35. Karate. Moxlaroyim Hakimjonova finalga yo'l oldi. Birozdan so'ng u oltin medal uchun bahs olib boradi.

16:42. Sambochi Ixtiyor Eshmurodov finalda rossiyalik raqibini katta ustunlik bilan mag'lub etdi va navbatdagi oltin medalni delegaciyamiz hisobiga qo'shib qo'ydi!

16:30. Sambo. Qobiljon Ahmedov finalda mo'g'ulistonlik raqibidan ustun keldi va oltin medalga sazovor bo'ldi! 

16:16. Sambochimiz Muxlisa Qodirberganova finalda mezbon raqibasiga imkoniyatni boy berdi va kumush medal bilan kifoyalandi.

16:00. Muaytaychilarimiz musobaqani 11 ta medal bilan yakunlashdi. Vakillarimiz 2 ta oltin, 4 ta kumush va 5 ta bronza medalini qo'lga kiritishdi. O'zbekiston muaytaychilari MDH o'yinlarida 12 nafar sportchi bilan ishtirok etdi. 

15:34. Muaytay. Abdufattoh Aliakbarov kumush medalni delegaciyamiz hisobiga qo'shib qo'ydi. 

15:19. Toshkent vaqti bilan soat 16:00dan boshlab samboda finallar boshlanadi. Unda uch nafar hamyurtimiz oltin medal uchun bahsga kirishadi.

15:15. Muaytaychi Muxlisbek G'anijonov kumush medalga sazovor bo'ldi. 

14:35. Muaytay. Anisjon Hakimovdan oltin medal!

14:27. Muaytay. Zubayr Husanovdan kumush medal.

14:20. Sambo. Ixtiyor Eshmurodov va Qobuljon Ahmedov finalga yo'l oldi.

13:55. Sambo. Muxlisa Qodirbergenova finalga yo'l oldi

13:50. Muaytay. Sevinch Toshpo'latova kumush medal qo'lga kiritdi.

13:37. Sambo. Madina Salohiddinova va CHarosxon Ozodova bronza medalini qo'lga kiritdi.

13:15. Muaytay: -45 kg vazn toifasida Nazinaxon Abdullaeva oltin medalni qo'lga kiritdi!

13:00. Ayni paytda sambochilarimiz saralash bellashuvlarini o'tkazishmoqda.