Messi yoki Ronaldu - Marrey kimni tanladi?

- Bolalaringizning sizdan tashqari eng yaxshi ko'rgan tennischisi kim?

- Bolalarim birorta tennischini tanimaydi. Afsuski, ular tennisni tomosha qilishmaydi va kuzatishmaydi ham. Menda bu savolga javob yo'q. Balki, bu mening akamdir. Menimcha, bolalarim biladigan yagona tennischi u bo'lsa kerak.

- Messi yoki Ronaldu?

- Yaxshi savol. Jahon chempionatidagi o'yinlaridan keyin Messini tanlayman.

- Qaysi tennischi bilan kimsasiz orolda birga qolib ketishni istardingiz va nima sababdan?

- Meni oroldan olib chiqib keta oladiganini o'ylashim kerak. SHuningdek, ko'ngilocharlik vazifasini ham bajara olishi lozim. SHu sababli Gael Monfilsni tanlayman. U juda quvnoq yigit va doimo u bilan birga bo'lish qiziqari bo'ladi.

- "Beatles"ning Sizga eng yoqadigan qo'shig'i?

- "Let It Be". Menga juda yoqadi.

- Haligacha "PlayStation" o'ynaysizmi? Qaysi o'yinlarini yoqtirasiz?

- Ancha yillardan buyon o'ynamay qo'yganman. Kechirasiz, boshqa o'ynamayman. Bolalarim tug'ilganidan keyin shunchaki bunga vaqt bo'lmay qoldi. Yonimda bolalarim bo'lganida bu uchun 45 daqiqa ham vaqtimni ajratishni istamadim. Hozirgi sayohatim "PlayStation"siz o'tmoqda.

- Hozirgi paytda Siz uchun sevimli musiqiy albom?

- Bunaqasi yo'q. Albomlarni eshitmayman, odatda bolalar musiqasini eshitaman. Qulog'imga yoqib qolgan musiqani ko'p eshitaman - masalan SHakiraning "barcha ishni qila olaman" so'zlari bilan boshlanuvchi musiqasi. Aniq gaplari esimda yo'q, lekin SHakiraning qo'shiqlari menga yoqadi.