Milliy kurashimiz yana ikkita kompleks sport musobaqalari dasturiga kiritildi

Anjumanda Xalqaro Kurash associaciyasi prezidenti Haydar Farmon ham ishtirok etdi va so'zga chiqdi.

– Kurash biz uchun nafaqat sevimli sport, balki ayni vaqtda hayotimiz mazmuniga ham aylanib ulgurgan. Biz kurashni dunyoda yanada rivojlantirish yo'lida bor kuch va imkoniyatlarimizni ishga solyapmiz. Bu borada albatta O'zbekiston hukumati, shaxsan Prezident SHavkat Mirziyoev janobi oliylarining qo'llab-quvvatlashi muhim bo'lmoqda.

Bir oy aval Buyuk Britaniyaning Birmingem shahrida Sport akkord tashkilotining Xalqaro biznes va sport sammitida kurash taqdimotini qilgandik. Xalqaro sport tashkilotlari, nufuzli o'yinlar direkciyalari bilan muzokaralar o'tkazdik. SHuni mamnuniyat bilan elon qilmoqchimanki, kurashni endilikda Islom birdamlik o'yinlari, xalqaro gimnaziya o'yinlari dasturidan o'rin oladi. Biz bu bo'yicha ijobiy kelishuvlarga erishdik. 

Mustaqil tan olingan sport azolari ittifoqi (AIMS) azoligiga qabul qilinish jarayonining amaliy bosqichi boshlandi. Bu borada kerakli masalalar bo'yicha ham sammit davomida AIMS Prezidenti Stephan Fox bilan muloqotlar bo'lib o'tdi. AIMS Xalqaro Olimpiya qo'mitasi tomonidan kurashni tan olinishi va kelgusida Olimpiya o'yinlari dasturiga kiritilishidagi muhim muhim qadamlardan biridir.