10 noy 12:28
Yangiliklar

Boks/MMA

Mirafzal Axtamov AQSHdagi LFA 172 turnirida jang qiladi + POSTER

Toshkent vaqti bilan 18 noyabr tongida AQSHning Arizona shtati, Feniks shahrida joylashgan "Arizona Financial Theatre" majmuasida LFA 172 turniri bo'lib o'tadi.

Ahamiyatlisi, musobaqada yarim o'rta vazn toifasida o'zbekistonlik aralash yakka kurash ustasi Mirafzal Axtamov (5-0-1) ham jang qiladigan bo'ldi. Hamyurtimiz o'sha kuni amerikalik Keyt Dousonga (4-4-0) qarshi oktagonga chiqadi. Jang asosiy kard doirasida 3 raund etib belgilangan.

Qayd etish joiz, Axtamov bu jangda zahira jangchisi sifatida ishtirok etadi. Aslida, 17 noyabr kuni Keyt Douson hamyurti Rey Uoters (3-0-0) bilan jang qilishi kerak edi.

Eslatib o'tamiz, Mirafzal Axtamov so'nggi jangini 2022 yilning 26 mart kuni UAE Warriors 28 turnirida braziliyalik Bruno Karvaloga qarshi o'tkazib, muddatidan oldin g'alaba qozongan edi.